أقوال شامية

أجمل الاقوال الشامية :

• العز للرز والبرغل شنق حالو
• أدن من طين وأدن من عجين
• غسّل وجهك ما بتعرف مين بيبوسهُ ... ونظّف بيتك ما بتعرف مين بيدوسهُ
• خطف الكباية من راس الماعون
• بالصيف حريء ... وبالشتا غريء
• الله بيطعم الحلاوة للي مالو سنان
• مو كل مين صف الصواني قال أنا حلواني
• ايمتا كنا والشمس ترقعنا
• بيدوب التلج وبيبان المرج
• مو كل أصابيعك متل بعضآ
• الحكي إلك يا جارة وإسمعي يا كنه
• يآ مآمنه بالرجال متل الميّ بالغربال
• حارتنا زغيرة و منعرف بعض
• لا تنام بين الأبور ولا تشوف منامات وحشة
• ألبي على ولدي وقلب ولدي عالحجر
• يا مآخد الئرد على مالو .. بيروح المال وبيضل الئرد على حالو
• الحجر إلي ما بيعجبك . . بفجك
• على حظّك يا حزينه .. سكرت المدينه
• لولا علبة السلمكي كانت الحالة بتبكي
• أعطي الخباز خبزو لو أرمطو نصو
• الحلوة حلوة ولو فائت من النوم والبشعة بشعة ولو خسّلت كل يوم
• المونه بدها ركونة .. ما بدا مرآ مجنونة
• العين بصيرة و الئيد أصيرة
• يلّي بيته من أزآز ما بيضرب الناس بالحجار
• القصة مو قصة رمانه .... قصة قلوب مليانه
• متل بشكير الحمّام من إيد ل إيد
• صار للدبانة دكانة و صارت تسكّر على بكيير
• قال : يا فرعون مين فرعنك ؟؟ قلو ما لقيت حدا يردني
• قال : متل الحرباية ... بالوش مرايه وبالقفآ صرمايه
• رضينا بالبين و البين ما رضي فينآ
• السكآفي حافي .. والحايك عريان
• الديك الفصيح من البيضة بيصيح
• الرجال بالبيت رحمة .. ولو كان فحمة
• ما بيفضح الوزير غير الكنه .. والأجير
• إن طلع الولد لخاله يا زين أفعاله
• بنت المعماري حلمها تعمّر أوضه ... وبنت الصايغ حلمها تشتري إسوارة عالموضه
• ألف قولة جبان ولا قولة الله يرحمه
• أكبر منك بيوم أعرف منك بسنة
• ألف عين تبكي و عين إمي ما تبكي