ابن جدلان غزل

ابن جدلان " غزل "

قصيدة لسعد بن جدلان والغزل :

عزتي للي سواتـي عزتـي لـه ... كل دارٍ ارجعـت وانـا سنـاوي

والمـداوي زود الحمـى مليلـه ... زادت الحمـى ورحنـا للمـداوي

والله ان كبدي على شوفك غليله ... ياجميله قام يطوي الحال طـاوي

مير مافي يدي ولا في يديك حيله ... والله ان قلبي على اللاماء شفاوي

انا مجنونك بعـد مجنـون ليلـى ... سجليني في علـم حبـك فـداوي

يا سراجيف الذلـول المستحيلـه ... يارقبة الخشف يا عين النـداوي

يا خيار الدهـم يالقبـا الاصيلـه ... يا مناةٍ تنقصـر عنهـا المنـاوي

ملبسك سندس شرابك سلسبيلـه ... نعنبك انتي مكاسر عـود جـاوي

عودوا مثلـي يجـرون الطويلـه ... لو تمرين الشيوخ اهل الفتـاوي

التقيد من بعض الاشيـا فضيلـه ... من عشق شرواك والا لا يهاوي

ـــــــــــــــــــــ

ياوليفي دمعكم في غيابي ردّ لي = وأدري انّ دمعتك خوفٍ عليّ ومن غلاي

أنت ممرضني وأشوف المرض فيكم وفيّ = الهبوب البارده منّك هبّت في حشاي

والله انّ كبدي عليكم عراويها أضميّ = والمشارب غير هرجتك ماتقطع ضماي

كيف تستغرب بطاي ومجييّ يوم أجيّ = منك اجيك أبدون رأيٍ وأروح ابدون رأي

ليلي أسهر به والا جاء النهار أشلى شوّي = مرتٍ أشلى ومرٍ يعاودني بلاي

وأنت سبّة كلّ شي ولا داويت شيّ = كيف ياقادر على داي ماتقدر دواي

بعد ما شتتوّ الفكر وأخليتو يديّ = كثرت أعلوم الشماميت وأفرحتو عداي

مابعد جاني من يوم التقو بي والديّ = ولابعد مرّ المحبين منّ حوّاء وجاي

لوّ خبر به حيّ يبكي على فقدان حيّ = كان يمدي من عرفني يشاركني عزاي

جعل يسقى يوم كان الهوى ماغير غيّ = فأول الرحله مثل مبتداك ومبتداي

أنا وين أبلقى يالاجاويد فاعـل خيـر=حريصٍ على سرّ المحبيـن لارسلتـه

أناّ لوّ أبصبر عام مابـان بـي تأثيـر = وهالحين حتّى الصبر يومين ما أحتلتـه

أنا مثل صقـارٍ تولّـع بحـبّ الطيـر = ولف قلبه فـروخ الصورايـم وهبلتـه

تولعّت في فرخٍ قضيـبٍ يتـلّ السيـر = ابيّ نظرتٍ من لفتـة الحـرّ وسبلتـه

صغيرٍ بسنّه غير عندي ماهو بصغيـر = يامغلاه فـي قلبـي وياكبـر منزلتـه

أجمعله سمان الهرج خوفٍ من التقصير = والى جيت ابشرح له كلامي تهيزلتـه

يجيني منّه هيبه . معزه . سحى . تقدير = اقابلـه عنـدي علـم وأروح ماقلتـه

__________________________

ودّنا بالطيب بس الدهر جحّاد طيب

كل ماتخلص مع الناس كنك تغشهـا

يدك لامدت وفا لاتحرى وش تجيب

كان جاتك سالمه حب يدك وخشهـا

كل ماشـبـيت نار المحّبه مع حبيب

قام يسحب فـي مشاهيبهـا ويرشهـا

كل ماواجهت لك في الزمن وجه غريب

مثل ما قـــال المثل دام تمشي مشها

وذمةٍ ماهيب تندان للحق المصيب

جعل قشاش الحطب لاسَرح يقتشهـا

ياعنـــا القنـــاص يالصيد المّدسم

ياكتاب الشمس وكتــاب الطلاسم

أمسك أعصابي وإذا شفتك تّبسم

كنك تكويني على الكبد بمياسم

كن بيــاضك مـن حــمارك لاتقّسم

عارض في وجنتك موكب مراسـم

حبكم سيـطر على قلبي ورسّـــم

مثل ماسيطر على بغـــداد قاسم

زاومنـي الهاجـوس ملعـون أبـو الأهـل

يقـول البـيـوت العـصـم وإياك و إياها

لا عيّنت كلمة قلت يضـرب بهـا المثـل

لقـيـنـا وراهــا كـلـمة كـّنـهــا إيــاهــا

ما تنجح مدارس فلسفـة علـم فـي جهل

والعربان ما كلٍ يقـدر يكسـب رضاهـا

يحاول قـدر الإمكـان يعنـي علـى الأقـل

يدخل في مفاهيم العرب يكسباصغاها