رسائل عن الفراق الحبيب طب 21 الشاملة

أصعب شيء في الحب هو فراق الحبيب لأي سبب كان فهو يلوع القلب والروح، الفراق نار لا يشعر بلوعتها إلا من جربها، وهنا جمعتُ لكم رسائل عن فراق الحبيب.

رسائل عن الفراق الحبيب

• ما كنت شي وشلون أزعل لفرقاك عادي وجودك كان وإن رحت عادي جايز أكون أول تعاطفت وياك لكن فبالي كان تركك وكادي لا تنفعل لا تثور لا تبرّر خطاك ما ينفع الغرقان مد الأيادي.
• طال البعاد ولع القلب فرقاك ومن غيبتك صاب المولع مضرها طوال الليل وأعيد وأراجع الماضي وبالقلب حرة يذكر زمان فات بالخير وياك الله يعيده لو بالأيام مرّة.
• الألم والهم والخوف الدفين والشقى والضيم وآهات العنا والأسى والظلم والدمع الحزين كلها أسماء والمعنا (أنا) وافي الجروح.
• لو الزمن مرّة يجيني على الكيف مقدار ما يفهم لبيب إلّا شارة بشرت غلطاتي بحسن التصاريف وأخذت من نفسي لنفسي بشارة وش يحرج الرجال غير المواقيف اللي تنزل هيبته واعتباره والله لو تعرض رقبتي على السيف أهون على من الندم والخسارة.
• الحين بس أقدر أخذ قراري اللي من محيرني من العام لليوم بعدك ونكرانك ورد اعتباري ثلاث حاجات بها القلب مهموم.
• مسكين قلبي هو بدى منه تقصير هو ناقصك يعني تجئ تستغله.
• زفت لي الفرقا تباشير حلمي والحمد لله ما بقى لي كود حسرات.
• خلاص يكفيني معاناة وياك ارحل وبرحل مابقا شي فيني اتعبتني وياك واتعبني رضاك واتعبت قلبي ياشقاي ونيني محدن ترى فيني يسوي سواياك محدن غيرك اهمومه تجيني.
• يا بنت.. ياللي كل همك غرامي الظاهر أنك.. جاهلة بالعناوين كم قلت لك هالحب ما هو مرامي روحي اكيد أنك بدالي تلاقين.
• فجري اللي تبينه من غيابك وغيبي اصلا القلب.. ما بقى به شظايا.. واتركي لي جروحي جعلها ما تطيبي ولا تخلين عندي.منك اية.. بقايا.. غلطتي واحتملها يوم اعامل بطيبي واحسب الناس مثلي واضحين النوايا.
• شفت المقفي وربي ما أتبعه لو خطوتين وأصبعي وهو اصبعي لامن غدرني أبقطعه بأسألك سؤال واحد والجواب بكلمتين لا صار قدرك والهوى خصمين من تاقف معه ياخي عز الكرامة وأنت دايم مستهين ياخي ضرسك لو يعورك بذمتك ما تشلعه.
• سلامتك معاد لي رغبة فيك لا صدّ قلبي صد من دون رجعة.
• مجبور نضحك يا زمن العجايب.. دام البشر صار بوجه وجهين.. غصب علينا نبتسم للمصايب.. دنيا نسايرها على العسر واللين.. منها بكى طفل صغير وشايب.. وياما ضحك منها عليها مجانين.
• مع السلامة مانبي غير فرقاك دامك مقفي مالنا فيك قدره.
• دنيا تضيق وفزعة الله قريبة وعند الفرج ما يخذ الضيق ساعة.
• لا فاضت أحزاني ولا زاد همي ولا إنشويت من الفراق وتحرقت لا مت من صدك ولا فار دمي لأن الحكاية كلها مضيعة وقت.
• ما دام طعت الوقت فيني واقفيت.. تحمل اللي يجيك لا جيت تايب.
• كفي دموعك مال للأحزان ميعاد ما دام هذي رغبتي فاهجريني أنتِ سراب وكلمة الحب تنعاد ما ودي أحرج خاطرك وافهميني نفس الظروف ووقتنا كله عناد ابلتمس لك عذر واعذريني.
• هذا الزمن حاكم وأنا فيه محكوم.. ما همني كبر الفضا وأتساعه مدام دمعي جف والقلب مصدوم.. بقول للأحزان سمعان وطاعة ومدامني عشت الزمن دوم محروم.. شيصير لو ضاقت على كل ساعة.
• لا تحسب إن القلب هام وضمنته.. نذر على أن ذلني ما اعترف فيه.
• لاتنتظر منا الرجوع أنتهينا كم واحدن قبلك تكبر وعفناه.
• أنهنت في حبك وأنا حر ما أنهان مسجات ورسائل جرح وزعل والحر ما يرجع لشخص يهينه والله احبك حب والقلب ما خان حا فظ عهوود الحب يومك تبينه.. بس للأسف ما أقدر على حب خوان يمشى يشيل اسمى وباجر يهينه.
• رص المشاعر بالحبر يا قلم رص وبعد المشاعر باقي الحب رصه قلبي يعاني وأنت بالحب مختص وأنت اللذي عقلي بلافكار خصه قصه غرام وكانت اكبر من النص فها حبيب ساكن القلب نصه اخر كلامي اطلبك ياقلم وص خلو علاجي بالاشواق وصه.
• قالت فمان الله واقفت وأنا اقول متى على يا زين تنوي الرجوع قالت وهي تبكي فراقٍ على طول واهتز قلبي هزتينٍ تروعي واقفت وأنا حاير ما أدري وش أقول، حاولت اأجامل وافضحنّي دموعي ونيت ونه واحدٍ طاح مقتول منها خفق قلبي وحطّم ضلوعي من شاف حالي عقبهم قال وحدي والخلايق هجوعي.
• عشرة عمر معك انتهت وانتهينا وآخر دقايقها دموع الوداعي شيٍ طبيعي نفترق من بعضنا فرقا وراها ما اظن اجتماعي غرّت بنا الأيام غصبٍ علينا واستعجل المكتوب طوى شراعي.. ورد المحبه فرّطت به يدينا واصبح هوانا مرجعه للضياعي لا بدّ ما تنسى حدينا السنينا وإلا بقلبي جروحه وساعي.
• لا تنصدم لو شفت بعيوني الموت.. قبلك أشوف الموت.. داخل كياني تعبت أرتب لك من إحساسي بيوت تعبت أفكر كيف قلبك رماني.. لا تكسر أغصاني لجل تقطف التوت ياخي دخيلك ما تلاحظ مكاني.
• أنا لا جتني الزله من الجاهل وهو كذاب تركت القافله تمشي وراها تنبح كلابه ترى بدري على مثلي تعيب وساسها معياب ياليت اللي يعيبني يحاول يستر ثيابه.
• خل الجمال اللي بوجهك يسرك لا صار قلبك من حلا الروح خالي لا صرت ما ترفا حبيبن يبرك وش خانت العشرة من اول وتالي اللي وطا هالناس لازم يمرك أصبر وشوف الوقت يثبت مقالي.
• بحضر زفافك مثل باقي المعازيم لو كان في ليلة زفافك وفاتي بحضر نهاية قصة الحب والضيم وأكتب على جرح الهواء ذكرياتي.
• ودعتها وأخفيت عنها دموعي خايف تحس بحسرتي والتياعي قالت فمان الله ونطر رجوعي واشرت بالتوديع حال استماعي ساكت ولا رديت ما هي طبوعي من عبرتي تفرض على امتناعي.
• تعشق معي عشرة وفينا تفننت هذا تبسمله وهذا شطبته أنا ترى لا اقفيت قفيّت ما بنت والشخص لامني كرهته كرهته ما أذل نفسي وأرخي الرأس يا بنت واللي بغا فراقي ترى ما جبرته.
• نفسي عزيزة وأفهم العلم لا هنت الذل ما يوم ٍ بعمري تبعته رفضت غيرك وأنت بالحب ما النت يا قرد حظي يوم غيرك رفضته وإذا الغلا يرجع على معرفة نت أنسى الذي بيني وبينك كتبته.
• حسبي عليك بجرح قلبي تمكنت ادخلت سم الغدر فيه وجرحته وأنا نسيت إني عرفتك على النت كنت أعتقدك أوفى عشيرعرفته وأثر الغلا زوّال يا سرع ما خنت كم واحد غيري بزيفك عشقته.
• مصدر حياتي عزتي وأعذريني مقدر أواصل بالهوى حاني الرأس صحيح حبك نقطة الضعف فيني ما نكرت لكن عزتي مالها قياس.
• أنا نسيتك ورب البيت نساني ما عاد به شي ما بينك وما بيني.
• اعتلي يا نفس واعقل يا خفوق.. وارقدي يا عين وارحل يا هوى بنصحك يا قلب لا يطويك شوق روحته مع جيته عند سوى من يحطك تحت لا تعليه فوق ومن يحطك فوق يبشر لا نوى الكرامة ما يوطيها المخلوق والنجم لا طاح قالوله هوى.
• أبتركك للغير منهو يسليك وأببتعد وأنسى ماضي مسيرك دامك هويت الغير فالله يهنيك وأنا باعيش أذكر على الدوم خيرك.. خلك معه خلك.. يمكن يراعيك بس لا تجيني لا من خلاك وحب غيرك.
• قال أبي امشي قلت عفواً على وين قال بقفي قلت مرواح جدي وش صار يعني لابغيت تقفي بأموت يعني لانويت بصدي أنا قوي الباس مانيب مسكين وأموت أنا في شيء أسمه تحدي.
• إن جيت من غرب أنا لا روح من شرقاً لا بارك الله في درب فيك يجمعني وياللي على فراقه عيوني غدت غرقا كلي من أقصاي في حبك مغرقني واللي طحا الأرض وخلا هالسماء زرقاً لعلمك كيف تندم يوم تهجرني.
• اعتبرني حلم عابر في حياتك.. اعتبر حبي سحابة في سماك.. اعتبرني من بقايا ذكرياتك.. اعتبرني شخص ما يرغب لقاك.. ابتعد واجمع مع غيري شتاتك يوم صار الغير هو غاية هواك التسلي بالمشاعر من صفاتك يا فقير الحب اتبع من غواك روح دور يا عديم الذات ذاتك بارخص الأسعار يخسر من شراك.