شعر عراقي شعبي
إلى كل من يحب الشعر الشعبي العراقي نستعرض هنا أجمل القصائد
شكرا علجرح صحيتني بفركاك
جنت اصورك بالدنيه بس انته
فضيت الكَلب بس الك مو للغير
ولخاطر رضاك الجرح صاحبته
امنتك كَلب لوجان يم ابليس
يسجد والخشوع يفيض من كَصته
مااكتب شعر بيه الخيال خيال
شمااباوع عليه جدامي ساحكَته
ولا اكتب قصيده الصور بيهه اشكال
من اقراهه اموت وانذبح سكته
اسألك من خنت تعرفني كلش زين؟
لو بس بالاسم ودكَول فاركَته
انه الماضعف
كَلبي ورجف ممشاي
اجذب الكال كَلبي تنسمع دكَته
انه البيدي زرعتك من كَبل سنتين
طفل جانت محبتك بيدي كبرته
ضاكَت عينك كبل لا تبخس الاسعار
لا بل كَبل لا ينصح بوكته
صلفه شفافي لكن مو مثل عيناك
حرام الجان خد شفافي بايسته
شنو نفع الغني لاكن فقير اخلاق
يترجه بمماته تتبره ذمته
بحر حبي ركبته وانته مو سفان
متوهم تكول البحر غركته
حبيتك نعم مااختلف وياك
واحس حبك ملح بشفافي من ضكَته
وانطيتك حنان الدنــــــــــــــيا تحلم بيه
لاكن بالمقابل انته شنو قدمته؟؟
عفت كَلبي بغيابك بالشمس مصلوب
(مثل راس الحسين يعاين الجثته)
وياخذني الخيال وبابك اوكَف بيه
اشوفه بدون جدمي الصفنه ماخذته
م ودكات ادكـ علباب لا والله
لحن داخل حسن تترجم بدكته
لون الباب يطلع يبجي الجيران
العرف والماعرف يبجي عله سالفته
عشت كل العصور بمشيتي وياك
بس عصر الخيانه الماعرف قصته
عصر الجاهليه الجنت اسمع بيه
عشته برشف شفتك والخمر ضكته
هسه شما اشوفك شوكَي احسه يموت
واحس طعم الخمر ماأنتشي بلذته
كرهتــــــك
كرهتــــــك اي نعم بس راح اكَلك ليش
مو جاهل واكول بلا سبب عفته
شفتك وي غيري كبالي تتمشون
شلت بيدي القلم بشِعري كفرته
طرق بابك شخص ماجنت تتمناه
ضعت وياه مثل ماحبي ضيعته
وانه شاعر حزن بجيت خته الناي
جان اخرس تخاف الناس من صمته
حجيت بأذنه قصتي الي عشته هوياك
صاح الله واكبر واعتلت ونته
مثل عود البخور بجرحه صار وياي
قوه شعري ولاكن نابي ضعفته
ماتت ذكرياتك من الخريف الفات
وجذع نخله محبتك من خنت شلته
_ لــيش الجفــا واللي يحبك تعب فيك
واللي حصــــل من بيننا شي عادي
هو عاشقك لي قال لك ميت ن فـــيك
تقلب على دنيـــا السلام بتعـادي !!
طيب وأنا !! والله قهر كيـف أخبيك
تكفـــــى تخبا في عيوني وعـــادي
أصلاً يمين الله مـــــــا قلت أبغليك
لاكن غلبني فــــي حلاتك عنــــادي
حلوه وأدور كيف !! وشلون أبرضيك
ياسيدة كل الحضر والبـــــــوادي
مجـــــبور أغني وأنطرب لك وأغنّيك
يا أحلــى مواعيد العمر في فؤادي
ضميت لك سور عظيم ن يـداريــــك
لا تزعلين إن خايــب الحــــظ جادي
وفرّق معاهدنا وباعد بأراضــــيك
وأجحف على بيض الـــنوايا سوادي
خل الزعل عنّك وأنـا دوم مغليــك
يكفي من الدنيا طريق البعـــادي
ويكفي عن الغايب قصيد ن يعزيــك
من عاشق ن ( ود ) المشاعر ينـادي
ما خالطه في خاطره غير يطريـــــك
وشلك حبيبي في الزعل والتمـــادي !!