اجمد نكت مصرية

النكت المصريةيمتاز المصريون بروح الدعابة والمرح، ويظهر ذلك جلياً في النكات التي يتبادلونها فيما بينهم، فيعتبرون النكت المضحكة من الأشياء المسلية المتوفرة على

النكت المصرية

يمتاز المصريون بروح الدعابة والمرح، ويظهر ذلك جلياً في النكات التي يتبادلونها فيما بينهم، فيعتبرون النكت المضحكة من الأشياء المسلية المتوفرة على مواقع التواصل الاجتماعي المختلفة، لأنها تدخل السعادة والبهجة والشعور بالسرور على القلب، وفيما يأتي بعض النكت المصرية المضحكة:

أجمد نكت مصرية قصيرة

• حرامي دخل يسرق بيت لما جه يطلع شافه الولد الصغير ، قاله تسرق كتبي وشنطتي معاك ولاّ اصرّخ وأصحي الناس.
• سألوا واحد محشش: مين أهم الشمس ولا القمر رد: القمر طبعا، بيطلع ينور لنا بالليل و الدنيا ضلمة، انما الشمس بتطلع بالنهار والدنيا نور أصلآ.
• اتنين مساطيل حبوا يسرقوا عمارة فقالوا لبعض احنا ناخد العمارة بعيد ونسرقها برحتنا، فقلعوا الهدوم وقعدوا يزقوا فى العمارة يزقوا، جه واحد من وراهم وسرق الهدوم، فواحد منهم بص ورا ملقاش الهدوم فقال له كفاية كدة احنا بعدنا اوى.
• محشش يسأل محشش تتوقع الجمعة يوافق آخر الشهر؟ رد عليه: لو ضغطنا عليه يمكن يوافق.
• واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى.
• محشش سأل صاحبه المحشش: إيه اخبار أبوك؟ بعدين افتكر ان أبوه ميت فكمل بسرعة: لسه في نفس التربة؟
• مسطول دخل محل بقالة وخرج يضحك، سألوه بتضحك ليه قال لهم عطيته جنيه وما اشتريت شىء.
• واحد معاه عربية قديمة وعاوز يبيعها ومش عارف، فصاحبه قاله حط عليها علامة مرسيدس وهى تتباع فورا، راح عمل كدا بعد اسبوع صاحبه بيسأله بعت العربية ولا لا، قاله انت عبيط حد يبيع عربية مرسيدس.

أجمد نكت مصرية طويلة

النكتة الأولى

في واحد راح يستقبل ابن عمه في المطار المهم وهم راجعين من المطار بيسأله: انت بقا لك عشر سنين في أمريكا… كنت بتدرس إيه؟

رد عليه ابن عمه: كنت بدرس علم المنطق

قاله: إيه هو علم المنطق؟

رد عليه: صعب اللي درسته فى عشر سنوات اشرحهولك فى ساعة بس انا هاديك مثال على المنطق.

قاله: أوكي

سأله أبو المنطق: انتوا عندكم كلب في البيت صح؟

رد عليه: أيوة عندنا

قاله: ما دام عندكم كلب أكيد عاملين له بيت فى الحوش

رد عليه: صح عاملين

قاله: ما دام انه عندكم حوش اكيد إنكم عايشين في فيلا

رد عليه: صح إحنا عايشين في فيلا

مدام انكم عايشين في فيلا أكيد أبوك غني

رد عليه: صح أبويا غني

قاله: مدام أبوك غني أكيد أمك تقعد في البيت يعنى مش محتاجه تشتغل رقاصة عشان تجيب فلوس

رد عليه: صحيح أمي قاعدة في البيت

قاله: هذا هو المنطق، إنك تبني شيء على شيء من وجود الكلب في بيتكم استنتجنا إنه أمك مش رقاصة

ردعليه :ياااااااااااا هو ده المنطق؟

المهم …. صاحبنا راح عند صحابه باليل وحب يتفلسف عليهم

وسألهم يا شباب تعرفون إيه هو المنطق ؟

رد واحد لا والله ما نعرفش

قال: أنا أقلكم ، سأل صاحبه: إنتوا عندكم كلب في البيت ؟

رد عليه صاحبه : لا ما عندناش ، قاله: تبقى أمك رقاصة

النكتة الثانية

الطفل: ماما عاوز أشرب

الأم: بطبخ، قوم هات لنفسك تشرب

الطفل: بتفرج على التلفزيون، هاتيلي أشرب وارجعي تاني المطبخ

الأم: وبعدين بقى معاك، هاجي أضربك

الطفل: طيب وإنت جاية تضربيني هاتيلي معاكي أشرب

النكتة الثالثة

واحد فتح محل فراخ في مصر، جاله مفتش التموين وسأله بتأكل الفراخ إيه يا جحا؟

قاله رز

تاني يوم، رجع سأله: بتأكل الفراخ إيه يا جحا؟

قاله قمح

قاله المفتش مصيبتك سودا هو حد لاقي القمح؟ غرامة 100 جنيه

ثالث يوم، بتأكل الفراخ إيه يا جحا؟ قاله ذرة

قاله المفتش مصيبتك سودا هو حد لاقي الذرة ؟غرامة 100 جنيه

رابع يوم، بتأكل الفراخ إيه يا جحا؟

قاله بدى كل فرخة جنيه وهي تاكل اللى هى عايزاه

النكتة الرابعة

مرة طالب هندسة دخل امتحان شفوى فالدكتور بيسأله:

بتركب إيه وإنت جاى الكلية الصبح ؟؟

الطالب: بركب الأتوبيس

الدكتور قاله: حلو أوي.. لو الدنيا حر في الأتوبيس هتعمل ايه ؟؟

الطالب: هفتح الشباك

الدكتور: جميل احسبلي بقا كميه الهوا اللى داخل الأتوبيس وهو ماشي على سرعة 60 كيلومتر في الثانية

طبعا الواد معرفش والدكتور سقطه بالمادة ..

فهو خارج قابل واحد صاحبه فقاله على السؤال

ودخل للدكتور بعده

الدكتور للطالب التاني: بتيجي الكلية بإيه الصبح ؟؟

الطالب : بعربيتى

الدكتور : طب لو عطلانه ؟؟

الطالب : بكلم صاحبى ييجى ياخدنى بعربيته

الدكتور : طب لو مش موجود؟؟

الطالب: بخلى بابا يوصلنى

الدكتور : طب لو وراه شغل

الطالب : بركب تاكسى وخلاص

الدكتور : طب لو ملقيتش تاكسيات ؟؟

الطالب: بركب الأتوبيس وأمرى لله .. هو يسترها بقا من عنده

الدكتور : حلو اووووى .. لو الدنيا حر في الاتوبيس هتعمل ايه ؟

الطالب : هقلع الجاكيت

الدكتور : طب لو حر اووووى ؟؟

الطالب : هفتح زراير القميص

الدكتور : طب لو حر جدا جدا

الطالب : هقلع القميص

الدكتور : قاله طب لو مش قادر تستحمل وخلاص هيغم عليك وقدامك شباك ؟

الطالب : بص بقا انا ممكن اقلع أي حاجة بس ما افتحش شباك الاتوبيس

المقال السابق: اجمد نكت تموت من الضحك
المقال التالي: التقويم الهجري والميلادي