أشعار خالد الفيصل عن الحب

أشعار خالد الفيصل عن الحب

خالد الفيصل، هو الأمير خالد الفيصل بن عبد العزيز آل سعود، وهو يعدّ أمير منطقة مكة المكرمة، ومستشار الملك، وهو شاعر؛ حيث إنّ له الكثير من الأشعار في الحب وغيره.

أشعار خالد الفيصل عن الحب

يجرحن العيون

الله أكبر كيف يجرحن العيون

أحسب إن الرمش لي سلهم حنون

يوم روّح لي نظر عينه بهون

لفني مثل السحايب والمزون

نقّض جروحي وجدّد بي طعون

وانعطف هاك الشعر فوق المتون

أشغلتني نظرة العين الفتون

هي تمون العين وإلا ما تمون

خذاك الزمن

خذاك الزمن مني وترك لي أشواقي

الصهد ولّع حياتي ليتها لمعة قمر

كيف الأماني.. أصبحت شكوى عمر

ليه اختفى فيك الأمان

يا روعة أيامي ولوعة حاظري

تذكر الحب الأمل

تذكر الفرحة.. ولهفاتي عليك

ولحظة الشوق الكبير

ورقصات الدقائق عند الوعد

ليه انطفى فيك الزمان؟

خذاك الزمن منّي

أمنع لساني

أستطيع أمنع لساني لا يقول

وأستطيع أمنع يديني لا تنول

لكن المشكل أنا وشلون أحول

شارد أفكاري على رغمي تجول

كل نجمٍ للخيال أصبح ذلول

شاغلي يا راعي الطرف الخجول

يا ربيع القلب في كل الفصول

مرني طيفك على العادة عجول

ما نفع تحذيري القلب الجفول

بسألك قلّي ولو فيها فضول

تعال أسهر

تعال أسهر معك يا اسمر عشيّه

تهنّ وخلّ عيني بك هنيّه

ترى الدنيا لياليها شقيّه

نويت وكل قلبٍ فيه نية

هواك بخاطري سوى سوية

يا وش بقى

يا وش بقى بأعطيك منّي ولا جاك

أوصف جمالك كل ما أنشدت وأهواك

يا الغايب الحاضر بقلبي ولا ألقاك

شالك زماني عن عيوني ووداك

يا حاجبٍ شمسي ورى ليل جفواك

وش غيرك يا منوة القلب وأطغاك

دنياي ما تصلح بلا شمس دنياك

ما ينقطع ظما الهوى إلا على ماك

ولا تشوف العين زينٍ بليّاك

ولا انتفض قلبي من الحب لولاك

القلب للقلب

ما هو صحيح القلب للقلب شاهد

بيني وبينك حب من قلب واحد

وليتك تعرف الشوق لي صار واجد

ما قد شكيت الحر والجو بارد

ولا مشيت العمر والحظ قاعد

أضحك وأنا لجروح الأحباب جاحد

ما ودي أفرّح على القلب حاسد

شيٍ يهون وشي بالحيل كايد

من عانده وقته وقلبه يعاند

غرّتني أمثال العرب بالشواهد

يا قصيدة عمري

يا قصيدة عمري الّلي تكتبيني

ارحميني بالهوى وإلا اذبحيني

كل ما خذتي عمر منّي عطيني

الحياة أشوفها والموت فيني

يسهر الليل وقمر طيفك بعيني

إن حدا حادي تولاني حنيني

كيف هذا من هوى قلبي يجيني

لو تماديت بملامي سامحيني

مرتاح أحبّك

مرتاح أحبّك ولا علّمت

والبارحة يوم أنا سلّمت

برقٍ لمع بالعيون وخفت

عساك في ناظري ما شفت

من خوفتي لا أحترق جنّبت

أخشى عليك الهوى لو طحت

أبي قليلك ولا حصّلت

ما أدري صواب أو خطا ما قلت

يا مدور الهين

يا مدور الهين ترى الكايد أحلى

الزّين غالي لكن الأزين أغلى

النّور عالي والسما فوقه أعلى

الصّعب هلّى قلت يا صعب سهلا

أحب أعسف المهرة الّلي تغلّى

وأحب أسافر مع سحابٍ تعلَّى

وأحب أساهر بدري الّلي تجلّى

يا من على ثاير فوادي تولّى

أكرم عزيزٍ بالعمر ما استذلاّ

اخترتك من الناس للقلب خلاّ

ما رحت أدوّر كل زولٍ تحلّى

يا عيونه

يا عيونه بس يكفيني عذاب

كل ما قلتيه عندي له جواب

يا ذهاب العمر عمري في ذ هاب

ما بقى لي قلب منك القلب ذاب

كل ما قلت انفتح لي فيه باب

دوك شيبي لاح في حل الشّباب